News

राष्ट्रपती पुरस्कार विजेत्या विद्यार्थीनीवर बलात्कार.

18Views

रेवाडी: –

 हरयाणाच्या रेवाडी येथे सीबीएसईची टॉपर असलेल्या ‘राष्ट्रपती पुरस्कार’ विजेत्या विद्यार्थीनीवर सामूहिक बलात्कार करण्यात आल्याची धक्कादायक घटना घडली आहे. या विद्यार्थीनीचं आधी अपहरण करून नंतर तिच्यावर बलात्कार केल्याचं उघड झालं असून त्यामुळे हरयाणात खळबळ उडाली आहे. याप्रकरणी पोलिसांनी गुन्हा नोंदवला असून अधिक तपास सुरू आहे.

ही विद्यार्थीनी रेल्वेच्या परीक्षेची तयारी करत होती. त्यामुळे तिने महेंद्रगड येथील कनिनामध्ये कोचिंग क्लास लावला होता. क्लासवरून परतत असताना तीन तरुणांनी तिचं अपहरण केलं. त्यानंतर तिला गुंगीचं औषध देऊन तिच्यावर सामूहिक बलात्कार केल्याचं पोलिसांनी सांगितलं. याप्रकरणी पोलिसांनी गुन्हा दाखल केला आहे. तर पीडित मुलीच्या आईने पोलीस हे प्रकरण तपासण्यात हलगर्जीपणा करत असल्याचा आरोप केला आहे. गुरुवारी मुलीचं अपहरण करून तिच्यावर बलात्कार करण्यात आला. पण पोलिसांनी अजून काहीच कारवाई केली नसल्याचा आरोप पीडितेच्या आईने केला आहे.

सीबीएसई बोर्डाच्या परीक्षेत पहिली आल्यानंतर पंतप्रधान नरेंद्र मोदी यांनी माझ्या मुलीचा सत्कार केला होता. मोदी म्हणतात, ‘मुलीला शिकवा, मुलीला वाचवा’. परंतु, आता मी माझ्या मुलीला न्याय मिळावा म्हणून दाद मागत आहे, असंही त्या म्हणाल्या.

Mehul Rahangdale
the authorMehul Rahangdale
Editor

Leave a Reply